李千娜 《關・與妳》〈小妹〉 feat. Matzka、阿爆 #小妹 #李千娜 #關與妳 #Matzka #阿爆 #closewithyou #nana #nanalee #conceptalbum
🎧數位收聽 https://umg.lnk.to/CloseWithYou 💽實體通路 https://umg.lnk.to/CloseWithYouAlbum 12/29 全新概念專輯《關・與妳》正式發行 小妹 ( feat. Matzka 瑪斯卡、ABAO阿爆) 演唱:李千娜、Matzka 瑪斯卡、ABAO阿爆 作詞:李千娜、MC JJ 作曲:Matzka 瑪斯卡、ABAO阿爆、王希文 小妹: 阿兄阿兄 佇你心內 我是啥款存在 阿兄: 你喔自細漢就真樂觀 戇戇呆呆看起來真好拐 喙笑目笑嘛真可愛 真真假假你攏毋捌 規身軀蹽落去你才知害 閣紲來看你到大漢 神經真大條嘛攏仝款 真正毋知影你是按怎活落來 煩惱的代誌你記袂牢 憂愁來就走袂佮人計較 其實阿兄欣羨你 嘛想欲按呢過日子 風颱猶未來你就咧等好天 笑聲較涼過地下水 小妹: 是恁一路予我綴 我才活到這个歲 是恁付出無怨慼 我才大聲笑規暝 阿兄換你歇一下 風颱若來換我替 笑聲予你去交陪 擔頭交予恁小妹 阿姊阿姊 佇你心內 我是啥款存在 阿姊: 你喔自細漢就大剌剌 愛耍塗嘛愛耍沙 彼時陣咱攏蹛庄跤 逐工煩惱你食袂大 嘛煩惱你跋落塗跤 舞甲我袂輸恁媽媽 上愛聽你的笑聲 上驚你枵嘛上驚你寒 命運挵破咱的青春 你做小妹煞上認份 命比阮是閣較韌 阿姊頇顢做袂起 若準閣有後一世 換你來快樂我來傷悲 仝款予我來做阿姊 小妹: 是恁一路予我綴 我才活到這个歲 是恁付出無怨慼 我才大聲笑規暝 阿姊換你歇一下 風颱若來換我替 笑聲予你去交陪 擔頭交予恁小妹 小妹/阿兄/阿姊: 咱一路行做伙 才活到這个歲 互相付出無怨慼 咱才大聲笑規暝 風颱若來行同齊 擔頭逐家鬥分伻 笑聲予恁去交陪 笑聲無你差一个 笑聲做伙來交陪 咱是幸福的一家 小妹: 阿兄阿姊 佇我心內 恁是我永遠欲保護的人
貼文資訊